Tesi horren alde, Bigarren Mundu Gerraz geroztik egonkortasun faltsu bat bizi izan da nazioarte mailan. Baina gerra inoiz ez da joan, han edo hemen beti egon dira gatazkak, eta azkenaldian dagoen biolentzia gorakadak arduratzen nau.
Antimilitaristatzat daukat nire burua eta ez dut arma bat nire inguruan ikusi ere egin nahi. Baina azken egun hauetan gerraren mamua non-nahi ikusten dut. Nire buruak horrelako egoera baten aurrean nola jokatuko lukeen irudikatzen ahalegindu naiz. Eta atera dudan ondorioa da momentuan bertan egon arte ez nukeela jakingo nola jokatu. Hori esanda, benetan espero dut ataka horretan inoiz ez egotea.
Argi daukadan bakarra da ez dudala gizartearen txotxongilo sokak tiratzen dituztenen botere, handinahikeria eta lukurreria aginduz nire bizitza arriskatuko beste batena kentzeko.