Ziklo hori historian zehar errepikatzen omen da. Gaur egungo egoera lau esaldietakoren baten sartu beharko banu, betiere Euskal Herriko testuingurua kontsideratuz, azken bien artean kokatuko nuke. Garai erlatiboki onak bizi izan ditugu eta bizitzen ari gara eta ikusten ari naiz nola gure ingurua ahultzen ari den. Ahuldu nik zentzu figuratiboan ulertzen dut: ardurak hartzeko nahirik eza, konpromiso gutxi, gizarte kohesio baxua, asko nahi eta gutxi eman… ipar garbirik ez diot ikusten gaur egungo mapari, alegia. Aldaketa azkar eta azeleratuan bizi gara eta horrek asko zailtzen du iparra non dagoen jakiten. Hori horrela izanik garai zailak aurreikusi beharko genituzke, ez dakidana da bat-batekoa edo graduala izango den egoera horretarako trantsizioa.
Berandu baino lehen, agian, horren kontzientzia hartu eta zikloa hautsi dezakegu?