Hareatzan gerriraino sartuta gaude eta jada modu desesperatuan ari gara edozeri heldu nahian egoera honetatik irten ahal izateko. Honen adibide dira Aramaion, Euskal Herrian eta munduan garatzen ari diren landa eta naturguneak industrializatzeko proiektuak. Gizarteak dituen eta izango dituen arazoen konponbide omen dira. Baina kontuz! Gehiago mugituz gero hondorago sartuko baikara, eta azkarrago, gainera.
Analogia honekin zera esan nahi dut, harrizko oinarri sendo gabe ezin dela ezer eraiki, ezin garela gainetik lasai ibili eta gaur egungo sistema harea oso mugikorra da. Beraz goazen hemendik irten eta lurzoru egonkor baten bila, bertan ito aurretik. Bidea zaila da, baina helburua argia: sistema irauli behar da!
