Basotxoko kideok kantuei eta dantzei ekingo diegu berriro

Udako oporren ondoren bagatoz bueltan gustuko dugun horrekin gozatzeko asmotan. Dantza-taldeak dagoeneko hasi ditu entseguak eta kantu-taldeak hilaren 8an ekingo dio lanari.

Gure poza partekatzeko  eta elkarrekin gozatzeko elkartzen gara, abesten dugu eta dantzan egiten dugu; lagun talde baten parte gara. Eta nahikoa ondo egiten dugunez beste batzuei ere eskaini gura izaten diegu abesbatzen arteko topaketatan, ospakizunetan, eta bereziki hainbat herritan antolatzen diren Kalean kantuz ekimenetan. Ospakizuna eta festa; alaitasuna eta sozializazioa. Era bateko edo besteko hamar bat ospakizunetan parte hartzen dugu urtero.

Gure taldeetan parte hartzeko ezinbesteko baldintzak dira erretiratuta egotea eta kantuan edo dantzan egiteko gogoa izatea. Eta eskatzen den konpromisoa ez da handia: astean behin, ordubete irauten duen entseguetara agertzea.

Kantu-taldean 30 lagunek parte hartzen dugu; dantza-taldean dozena batek. Ezagutu gura izanez gero etorri eguazten batean, entsegu orduan (dantza-taldea 17:00etan eta kantu-taldea, 18:00etan) komentuko kaperara. Edo nahiago baduzu telefonoz ere dei egin dezakezu: 605 77 55 56 (kantu-taldea) eta 653 72 23 59 (dantza-taldea).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.