Dantzan egitea ona da bai gorputzarendako, bai buruarendako. Jarduera fisiko samurra eta dibertigarria da buruarendako zein gorputzarendako, eta norberak hartzen dio neurria: gura moduan egiten da dantzan, gura denean eta gura den lekuan. Gainera, erraza dela dirudi; hala da behintzat, Benidormera edo antzeko tokietara goazenean. Baina hemen, Aretxabaletan, non egin dezakegu dantzan?
Dantzan egiteak muskuluak indartzen ditu, malgutasuna eta erresistentzia handitu, oreka eta koordinazioa hobetu, pisua neurrian izaten lagundu, osteoporosia zaindu… baita buruko irrigazioa bizkortu eta zahartze kognitiboa prebenitu ere. Gure bihotz-zirkulazio sistemarentzat eta arnas aparatuarentzat hobekuntzak dakartza. Estresa murrizten du eta depresioa aldendu; ase egiten gaitu. Oroimena eta atentzioa lantzen laguntzen du, eta bikotearekin dantzan eginda, mugimenduak koordinatzen ikasten da. Autoestima indartzen du eta norberarengan konfiantza ere bai; lotsak gainditzen ere laguntzen du eta bakardadea uxatu. Komunikazioa errazten du eta beste batzuekin harremanak izaten lagundu.
Hortaz, abantailak besterik ez ditu. Baina Aretxabaletan, non?
Oso samurra: Basotxon. Dantzan egiteko (ikasteko eta praktikatzeko) elkartzen gara martitzen guztietan (16:30).
Interesa izanez gero, animatu eta eman izena!