Ikastekoak ere bertan izan, eta urrutira joan beharrik ez. Bide ederra baita ikastea, baina nekeza: basamortua igaro behar du ikasten ari denak; oinutsik eta eguzkipean. Eta onartu behar du pertsonak ez dakiela uste zuen beste, eta ez dela uste zuen bezain abila. Eta hori oraindik ez dugu ikasi.
Ikasi nuen galtzerdiak binaka tolesten eta biltzen. Ikasi dut Iruñea nola deklinatu behar den, eta ikasi dut ondo deklinatzen ez dutenei muturrik ez jartzen. Ikasi nuen gidatzen, eta ikasi nuen aparkatzen: albo batera, bestera, eta muturrez, eta ipurdiz. Ikasi dut urduri egoten, eta ikasi dut urduri nagoenean disimulatzen. Ikasi dut hitz egiterakoan eskuak gehiegi ez mugitzen. Ikasi dut haserretutakoan arnasa hirutan hartu eta hirutan botatzen, eta ikasi dut batzuetan arnasa hartzearekin batera haserretzen. Ikasi dut batzuekin alferrik dela ikasi duzula esatea, eta beste batzuekin alferrik dela ikasi dutela sinestea. Ikasi dut mendira eskularruak beti eraman behar direla, eta ikasi nuen hobe dela gelditu gabe apurka igotzea aldapak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
