"Jendaurrean jarriko bagina biok, ekitaldi bat aurkezten adibidez, agian norbaitek pentsatuko luke nola nagoen, baina entzungo luke zer. Zuri begiratuko lizkizukete arropak, belarritakoak, makillajea...”. Eta naizen lepotik gorako izaki arrazional honek lepotik behera egin zuen krak. Traba egiten dizuete emakumeek, tokia eta minutuak hartzen dituztenean, oholtzaratzen direnean. Traba egiten dizuegu. Azafatak nahi dituzue, eta traba egiten dizuegu, beltzez jantzita edo gorriz, margotuta edo ez, isilik edo hizketan. Itxaron, hurbildu hona. Utzidazu begian putz egiten. Lasai, ez da ezer. Zerbait sartu zaizu begian.
"Bada jendea traba egiten diona euskara folklorearen kajoitik irteteak. Hizkuntza ez-gaitzat dute, baztertzea nahi dute; ez dezala trabarik egin". Gorka Urbizuren hitzak dira, Radio Euskadin egin zioten elkarrizketakoak. Traba egiten dizue euskarak, komunikatzeko balio duenean, esaten duenean, espazioa eta denbora hartzen dituenean, erdiguneratzen denean. Bestera esanda, traba egiten dizuegu euskaldunek. Traba egiten dizuegu osagarri ez badira, "bestea" ez badira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
