Txikituaren ajeak. Beti handien bila. Sortzen dugunak izan behar du sakona, transzendentala eta apurtzailea. Eta ahal dela, sortzaileak izan behar du intelektuala, artista irudikoa eta erreferentea. Baina kulturak, izango bada, behar du taberna zuloa, behar du gaztetxe ertza, eta behar du lagunartea. Eta behar ditu gazte eta ez hain gazte eroak; zertan ari diren ondo jakin gabe sortzen dutenak. Euskal Herrian kulturari zerbait falta zaiola iruditu, eta zerbait hori sortuko dutenak. Ez direnak arduratuko zerbait hori sakona eta transzendentala izateaz, eta sortzeko sortuko dutenak.
Bai, kultura oso izateko, behar ditugu sortzaile absurdo eta eskasak (ere). Entzun, irakurri eta ikustean traba egingo digutenak, edo barre txikia eragin. Bizi garen seinale.
