Zazpi urtez Luismaren, Aidaren, Loreren edo Fidelen istorioak ikusten. Zazpi urtez pertsonaia xelebre horien istorioak bizitzen. Siete Vidas telesaiotik ateratako sitcom-ak publikoa hasieratik harrapatu zuen.
Carmen Machi aktorearen agurrak telesailaren etorkizuna kolokan utzi zuen, baina berriz ere indarberrituta dator telesaila. Askok uste zuten Aida izeneko proiektu batek ez zuela Aidarik gabe iraungo, baina, hara, oker genbiltzan.
Orain, beste pertsonaia bati agur esango diogu. Aidaren alaba Lore agurtuko dugu. Ana Maria Polvorosa aktoreak telesaila utziko duela iragarri du. Gaztetxo honen hitz egiteko modua, janzteko era, ligatzeko duen zaletasuna...bai, jauna! Faltan igarriko ditugu. Hala ere, batzuei agur esan eta beste batzuei ongietorria ematen hasi beharko dugu. Laster, Fidelen ama ezagutzeko aukera izango dugu, eta baita Luismaren neskalagun berria ere. Bizitza islatzen duen telesail honek, errealitatean bezala, batzuk agurtu eta beste batzuei ongietorria egingo die. Bizitzan horrela tokatzen baita.
