Oraindik dimentsio honek ematen dituen abantailak ez direlako horren aurrerakoiak edo tradizioari eutsi nahi diodalako, ez dakit.
Momentuz, betiko formatuarekin jarraitzea erabaki dut.
Hala ere, gizarte honetanteknologiak agintzen du. Zinemaz gain, telebistan ere dimentsioz aldatu nahi dute eta berrikuntzak egiten hasi dira. Antena 3 katean emititzen duten Los Protegidos telesaila izango da munduan hiru dimentsiotan grabatuko den lehen programa. Momentuz, azken denboraldiko lehen kapitulua besterik ez dute grabatu, produkzio lana garestiagoa baita bi dimentsio formatuan baino.
Teknologiak agintzen du bai, baina ez bada oso iraultzailea (betaurrekorik gabe ikusteko aukerarik ez badugu, adibidez) eta, gainera, garestia bada, ez dakit funtzionatu duen; alabaina, urtarrilera arte ez dugu kapitulu hori ikusiko. Hori bai, arrakasta izanez gero, jaun-andreok hau izango da gure igandeko plana: sofa, pipak eta 3D betaurrekoak. Lo-kuluxkak ez dira berdinak izango.
