Egun, genozidioak ez dira posible estatu genoziden kirol taldeak edo okupazioaren tranbiak egiten dituzten enpresak baimendu gabe. Antonio Gramscik indiferenteei gorrotoa adierazi eta "betiko errugabeen negar zotina" salatu zuen. Gaur, kritika hutsalera mugatzen direnen koldarkeria salatu eta elkarbizitzaren izenean ezer egin ez baina besteen ekintzak gaitzesten dituztenen pasibotasuna gorrotatuko luke. Jean-Paul Sartrek gure garaiekiko konpromisoa eta bizitzarekiko ardura aldarrikatu zituen, eta hori hitzetan baino gehiago ekintzetan ulertzen zuen. Konprometitu eta har dezagun dagokigun ardura.
Izan gaitezen Israelen boikotaren eta Palestinaren aldeko subjektu aktibo; Gazara bidean den Flotillako ekintzaileak, asteazkenean Bizkaiko errepide eta kaleak hartu zituzten herritarrak, edo ostiral honetan plazak burrunbaz beteko dituzten herrikideak bezala.