Berezia

Erabiltzailearen aurpegia

Gabonak datozela eta, kontzertu bat jotzeko eskaintza berezia jaso dugu: Aita Menni ospitalean jotzeko eskaintza, hain zuzen. Badirudi kultura ekintza desberdinak egiten dituztela, talde aktibo baten ilusioa dela medio. Txaloak merezi dituzte horrelako mundu paraleloetan ekintza aberasgarriak antolatzen dituztenek, errazena gizartetik kanpo lagatzea baita.

Musikak daukan boterea zabaltzeko asmoarekin joango gara eta ziur nago kontzertu berezia izango dela.

Memoria egiten hasi, eta leku arraroetan eman ditudan kontzertu bereziak gogoratzen hasi naiz: elkarte gastronomikoetan, parrokietan eta elizetan, mataderia baten, jauregietan, katamaran baten, kalean diru eske, tailer baten, kartzelan.... Beno, egia esan, bi kartzelatan jo dut: Bergarako gaztetxean eta Martutenen.

Askotan gogoratzen didate taldekideek Martuteneko kartzelan jo genuen kontzertua bukatzerakoan mekanikoki esan nuen azken esaldia: "Eskerrik asko denoi etortzeagatik". Ia ostiauta irten ginen...

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.