Eskerrik asko, Antzuola

Erabiltzailearen aurpegia

Otsailaren 22an ospatu genuen Antzuolako 8 Miliak mendi lasterketa kirol proba bat baino gehiago izan zen, beste behin ere.

Eguraldi kaskarraren gainetik dozenaka lagun batu ginen, herri bezala bikain erantzunez. 

Korrikalariek izugarrizko meritua erakutsi zuten eguraldia ikusirik etxean manta artean ez geratuta, baina zuek, boluntario eta ikusle izan zineten guztiok, are gehiago. Benetan txapela kentzekoa herri bezala emandako erantzuna. Guztiok helburu bakarrarekin, guztiok bat eginda. Eredugarria eta pozgarria benetan.

Horregatik, bihotzez, eskerrak eman nahi genizkizueke antolakuntza lanetan ibili garen guztion izenean, eta korrikalariengatik jasotako hainbat zorion agur zuei ere luzatu. 

Zuenak ere bai baitira agurrok. Zuek gabe hau ez baitzen horrela gauzatuko. A8M zuek egiten duzuelako handi.

Aipatzekoa ere herriko zein inguruko taberna eta enpresen bultzada. Ezinbestekoak hauek guztiak ere. 

 

Zorionak eta eskerrik asko guztioi.

4. ediziora arte…

----------

Aritz Saidi Olaortua

(A8M, antolakuntza taldea)

Antzuola

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.