Arrola Mendizale Elkarteak egindako deialdira antzuolar mendizaleez aparte, eskoriatzarrak, arrasatearrak eta bergararrak arrimatu ziren zapatuan, hamaika lagun denera. Hotza egin arren, merezi izan zuen igoerak.
Azpeititik hasi genuen 1.000 metro eta 15 kilometroko mendi ibilaldia. Zerua oskarbi egoteak inguruko bista ikusgarriez gozatzeko aukera eman zigun, hiru tontorretara igotakoan. Kostaldea –Zarautz, Zumaia, Jaizkibel, Aiako Harria–, barrualdea –Aralar eta Aizkorriko mendilerroa– eta Debagoienean edo bertatik gertu dauden mendiak –Udalatx, Anboto, Gorbea– ikusi ahal izan genituen.
Argazki gehiago ikusteko, sakatu hemen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
