1937ko apirilaren 4an Antzuolako, Bergarako eta Elgetako hainbat gudari hil ziren Larragorrin. Hala, domekan, hilaren 31n, Oketan eta Larragorrin dauden lubakiak eta fronteko lekuak ikusteko irteera egingo dugu. Egun argia izanez gero, fronteko lerroaren zati handi bat ikusi ahal izango da. Hala, egun hartan gertatutakoa hobeto ulertzeko aukera izango da.
Larragorrirantz 09:00etan abiatuko gara, Antzuolatik, autoz. Etxaguen eta Oketa arteko ibilbidea –9 kilometro– egingo dugu lehenik; ondoren, Aiao eta Larragorri artekoa –2 kilometro. 13:30ean Aiaoko pagadian bazkaltzea da asmoa. Animatu!
Egitaraua:
9:00: Irteera Antzuolan, Torresoroa parean. Arrolako kideek ipiniko dituzte kotxeak.
10:00: Etxaguen herritik Oketara (1031m) igotzea. Bertan hainbat azalpen eskainiko ditu Mikel Aizpuruk. 13:30: Bazkaria Aiaoko pagadian; norberak eramango du.
14:30: Larragorrin oroigarria eta bertako hainbat xehetasun ikusiko dira.
