Programa berri honekin, helburua da proposamen parte-hartzaileak, kulturalak eta hausnarketa eragingo dutenak eskaintzea, topaketa, ikaskuntza eta sozializazioa sustatuz.
Urtarrilean zehar, lehenengo urratsa eman da Eskoriatzara egindako bisita kulturalarekin. Han, zeramika labea ezagutzeko aukera izan zen. Parte hartzaileentzat oso esperientzia aberasgarria eta interesgarria izan zen, eta gure inguruko ondare eta lanbide tradizionaletara hurbiltzeko aukera eman zuen.
Martxoari begira, Jabier Yanguas psikologian doktore, gerontologo eta Caixa Fundazioaren Adineko Pertsonen programaren zuzendari zientifikoaren hitzaldia izango da. Hitzaldiaren gaia izango da Bakardadearen erronka, garrantzi eta gaurkotasun handiko gaia, eta bizitzaren etapa honetako erronka eta aukerei buruzko hausnarketa kolektiboa egitera gonbidatzen du.
Gainera, urtean zehar Gipuzkoan zehar kultur txangoak antolatuko dira, eta horien datak eta edukiak pixkanaka argitaratuko ditugu. Programazio horrekin, Arrasateko Nagusien Kontseiluak zahartze aktibo, parte-hartzaile eta gure inguruko bizitza kultural eta sozialarekin konektatuarekin duen konpromisoa berresten du.