Denetariko emaitzak izan dira Arizmendi Kirol Elkarteko taldeetan. Futbolari dagokionez kadeteen neska taldea mailaz igo da, Ohorezko kadete mailara, hain zuzen ere. Senior neskek partidua irabazi zuten, eta datorren astekoa hil ala bizikoa izango da, izan ere, irabaziz gero, horiek ere mailaz igoko dira, Euskal Ligara.
Mutilen futbolari dagokionez erregional mailako taldeak Andoaingo taldearen aurkako kanporaketa irabazi zuten. Igandean, Martuteneren aurka izango dute final erdia. Gipuzkoako Kopa irabazteko azken ahalegina egin beharko dute.
Bestalde, Areto Futboleko ARIZMENDI ESKORIATZA infantil taldeak ezin izan zuen Gipuzkoako txapelketako finala irabazi, 2-1 galdu baitzuten Zarautzen kontra.
Infantil mailako ARIZMENDI AITZORROTZ Udaberri Txapelketako txapeldun suertatu da. Kadete mailako taldea Gipuzkoako txapelduna izan da, eta datorren larunbatean Euskadiko Txapelketa jokatuko dute Bilbon, Berri Otxoa taldearen aurka.
