Euskal Herrian urtaroek duten garrantzia ikusita, aurten Basabeazpin urtaroei indarra emateko asmoz, jaialdi desberdinak antolatu dituzte. Azaroan egin zuten lehena, Udazkeneko Jaixa, eta orain berriz urtarrileko egun hotz hauetan, bigarrena. Neguarekin lotutako jolas ezberdinak egin zituzten adinen arabera banatuta, baita dantzak ere, eta bukatzeko neguko hotzari aurre egiteko salda bero-beroa hartu zuten.
Hurrengo jaiadia udaberrikoa izango da; orduan ere bertako neska-mutikoek jolasekin eta dantzekin gozatzeko aukera izango dute.
