2015ko mar. 27a, 12:24
Arizmendi ikastolako Basabeazpi guneko guraso, ikasle eta irakasleek bideo bat grabatu genuen otsailean, lantzen ari ginen proiektuarekin lotutakoa, Balea proiektua. Eta bideo hori Irrien Lagunen I. bideoklip lehiaketara aurkeztu genuen gero. Bi sari zeuden jokoan, epaimahaiarena eta publikoarena. Bagenekien publikoaren saririk ez genuela eskuratu, bozketan ez genuelako zorterik izan… Baina astean deia jaso dugu. Eta epaimahaiaren saria gurea da!
Ez dago esan beharrik izugarri poztu garela Basabeazpi osatzen dugun kide guztiok; izan ere, guk egindako lana gustukoa izan da eta gainera, saria jaso du.
Atzo, martxoak 26, izan zen sari banaketa Pasaiako Albaola itsas faktorian, eta bi autobus hartu eta guztiok joan ginen ikasleak, gurasoak eta irakasleak. Hainbat opari jaso ditugu baina guretako oparirik eta saririk politena izan da Albaola bisitatu ahal izatea eta beraiekin egotea kontu kontari.
2015 mar 27 Aretxabaleta
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.