Larunbat honetan ospatuko da hemezortzigarrenez Eskoriatzako Ferixie. Aurten ere, artisau ugari izango dira kaleetan zehar euren produktuak, elikagaiak eta tresneriak erakusten eta saltzen. Horretaz gain, azken urteotan egin ohi den gazta txapelketa izango da eta baita 17. txorimalo-lehiaketa ere.
Nabarmentzeko modukoa da Debagoieneko Kroxeters taldeak “Urban knitting” ekimena burutuko duela herriko plazan 11:00etan. Feriaren irekiera 10:00etan izango da eta 11:00etan jarriko dira puzgarriak eta umeentzako tailerrak Santa Marina plazan. Goizean zehar trikitilariek eta Urkabustaizko joaldunek kaleak alaituko dituzte. Eguerdi partean herriko dantza taldeak bere emanaldia eskainiko du plazan. Bestetik, herri bazkaria frontoian izango da. Jaiari amaiera emateko IV. Txapel jaurtiketa txapelketa egingo dute.
Urtero bezala, Jose Aranak hartu du jaiaren antolaketaren ardura Eskoriatzako beste eragile batzuekin batera, hala nola, Eskoriatzako Udala, parrokia, txistulariak, dantza taldea etab.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
