Angiozarko Eskola Txikia Bergarako Angiozar auzoan kokatua dago eta harreman zuzena dugu naturarekin eta gaur egun, biztanleriaren bizitzeko erak anitzak izan arren, landa eremuak duen garrantzia sumatzen da gure egunerokoan.
Beste Eskola Txikiak bezala, eskola publikoa gara, euskalduna eta oso errotua gaude Angiozar osatzen dugun komunitatera.
Gure eskolan, 2 urtetik hasi eta 12 urtera arteko umeak ditugu eta ordutegiaren arabera, gela berean zenbait adinetako ikasleak elkartzen dira eta harremanak oso aberatsak izan ohi direlarik; elkarreragina eta kooperazioa era naturalean sustatzen ditugu.
2024 urtearekin batera, gainera, sare sozialetan (Facebook eta Instagram) ere presentzia dugu. Informazio gehiagorako edo hitzordua hartzeko, 943 76 16 19ra deitu edo 012273aa@hezkuntza.net helbidera idatzi daiteke.
