Nork helduko dio erronkari?

Erabiltzailearen aurpegia Arantzazu Ugarte 2022ko ira. 25a, 00:00

Iraila heldu da. Irakasleok aurpegi berrien izenak ikasten dihardugu; baita beraien arteko keinu konplizeak, lagunkoiak, edota begirakune gogorrak antzematen ere. Eta urtero lez, antzeko patroien testigu izango gara.

Duela gutxi bezala, eskuak burura eramaten ditugu bullying kasu gogor baten berri daukagunean. Eta ez da gutxiagorako! Baina ez gaitezen muturreko kasu bati begira geratu. Denak izan gara ume eta nerabe; denak izan gara noizbait testigu, edo konplize, lagun bati iseka egin diogunean, negarrez bukatu arte; ala kuadrillatik bota dugunean. Baliteke guk geuk halakorik jasan izana noizbait.

Irakasle eta gurasook, txalupa bereko bi aldeetatik egin behar dugu arraunean norabide berean, ezer onik lortu nahi badugu; ezinbestekoa dugu ikasleekin zein gure seme-alabekin hitz egin, eta alderdi hauei erreparatzea. Lagunekiko jarrera behatu, eta okerrak direnak bideratzen saiatzea. Lagun onak izan ditzaten, eta lagun onak izan daitezen. 

Guztiona da erronka!

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak