"Guadalix Shore"

Erabiltzailearen aurpegia

Honezkero, nork ez ditu ezagutzen MTV eta bere saio esperpentikoak?

Bere programazioan, beste edozein saio baino gehiago, Jersey Shore reality-a aurkitzen da fikzioaren eta errealitatearen muga fin horretan. New Jersey-ko nerabe dirudun eta apetatsu kuadrilaren gorabeherak kontatzen dituen saio honek audientzia itzela bereganatu omen du Espainian. Hainbesterainokoa da arrakasta, non Jersey Shore bat "a la española" ekoiztean pentsatzen ari den MTV

Albiste hau jakin dudan egun berean jakin dut baita ere Telemadrid katean Quiero ser torero reality-a emititzen ari direla maiatzaz geroztik, Operación Triunfo-ren antzerako formatuan; torero izan nahi duten gazteak lehiatu egiten dira arrakastaren bidean. Eta egun berean jakin dut, Leticia Sabaterrek bideo tamalgarri bat eskegi duela Youtube-n, eta bikotea bilatzeko baldintza bakarra jarri duela: adin nagusikoa izatea.

MTV-ri proposamena bidaltzekotan nago... Guadalixeko Gran Hermanoko kuadrila aprobetxatuta, gonbidatu ditzatela torero pare bat eta Leticia Sabater. To! Horra, Guadalix Shore elegantea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.