"Il corpo delle donne"

Erabiltzailearen aurpegia

Pasa den astean Amaia Antzokian izan nintzen...

... Elkarhezitzen elkarteak antolatutako zinemaldi sozialaren barruan, indarkeria matxisten aurkako proiekzio saioan. Bertan ikusi nuen Il corpo delle donne erreportajea (bide batez, esan, Youtube-n ikusgai dagoela).

Italiako telebista berlusconiarra zen aipagai, eta nola ez, emakumeak ziren izar nagusi. Zahartzarotik ihesi, kirurgia plastiko ibiltarien irudiekin batera, off-eko ahotsaren hausnarketak zeuden eta Italiako telebistako emakume-eredua erakusten ziguten irudiek. "Benetako emakumeak non daude?", zioen erreportariak.

Denboraren igaroak aurpegian uzten dituen zimurrez lotsatuta bizi dela-eta gizartea, ez omen dago emakume edadekorik telebistan, eta daudenean, betetzen duten rola ankerra eta basatia da.

Urrutiago joan barik, Telecinco da telebista italiarraren lehengusu propioa eta erreportajearen isla zuzena; tamalez ere, telebista kate gutxi dago beste emakume-eredurik erakusten duenik...

Zain gaude.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.