... eta pentsatu nuen zein exotikoa bihur zitekeen hedabideetatik at dagoen herrialdea irudikatzea tankera honetako saioan. Gizarte kapitalistaren ikur diren hiri zikin eta kaotikoen ondoan, are exotikoagoa ikusten da Afrikaren irudi beltza: girafak, danborrak eta beltzak, konbinazio ederra.
Ez nuen uste saioaren hipokresia hain urruti hel zitekeenik, ordea.
Pasa den igandean, irabaztera zihoazen bi lehiakideek (zuriak, noski) topo egin zuten lurrean botata zegoen ume batekin (beltza, noski). Proba irabazi edo umea salbatu, segundo batzuetako zalantzaren ostean, umea esnarazten saiatu ziren, kexuka, ingurukoek (beltzak, noski) kasu egin ez ziotelako. Gladiatorren musika atzean eta azpitulu argigarriekin (Tanzanian 1.000 umetik 112 hiltzen dira 5 urte bete aurretik) umea berpiztu zuten eta jaten eman zioten.
Burututako lan heroikoa goraipatuz alde egin zuten, noski, proba amaitu beharra zegoen-eta!