Bi urtez zain egon eta gero, heldu da berriro, hizkuntza ohiturak aldatzen eta estres linguistikoa gutxitzen laguntzeko. Parte hartzaileok, euskararekiko jarrera uzkurra dutenei euskaraz egitean, nor ez da sentitu babestuta jertseari lotutako ahobizi edo belarriprest txaparekin? Nor ez du indarrez betetzen kalera irten eta horrenbeste ahobizi nahiz belarriprestikusteak? Euskaraldiak nori ez dio eskaini momentu berezirik?
Niri horrelako momentu nahiz sorpresa asko eman izan dizkit, baina bada bat gainerako sorpresak baino bereziagoa. Parte hartzeko izena ematen hasi nintzenean, bigarren parte hartzaile baten izen-ematea berrets nezakeen: Felisa Garitano Elkoroiribe. Nire bihotzeko Felisa, nire bihotzeko amama. Beti izan zara horren euskaltzalea… Duela urtebete utzi gintuzun, baina Euskaraldia bera ere zutaz gogoratzen da. Zin dagit, amama: hemendik aurrera ilusio bikoitzarekin hartuko dut Euskaraldi bakoitza eta are ahobizi-agoa izango naiz. Zurekin. Zuretzat.
