Inspirazioarekin ezkutaketetan

Erabiltzailearen aurpegia Ainhoa Pardina 2020ko ira. 20a, 00:00

Sarri ibiltzen naiz inspirazioarekin ezkutaketetan jolasean; izan ere, tarteka, gorde egiten da eta bere bila aritu beste aukerarik ez dut izaten, berriz bidelagun izan dezadan. Hala ere, koloretako munduan, alai, zoriontsu bizi ginen, elkarrekin, itxialdiarekin iluntasuna etorri zen arte. Itxialdiak beldurtuta, berriz ezkutatu zen, baina, oraingoan, ez da nigana itzuli. Ordenagailuaren nahiz paperaren eta boligrafo baten laguntzarekin ere ez dut lortu hura aurkitzerik. Ez dakit non ezkutatu den. Bahitu egin al du norbaitek?

Itxialdiak inspirazioa eta imajinazioa lapurtu zizkidan eta ostean etorritako egoera ezohikoak ez die nigana itzultzeko aukerarik eman. Baina guretzat egoera gogorra bada, are gehiago umeentzat. Haien imajinazioa ere minduta gelditu ote da, normalean handia izaten duten arren? Eta gaztetxoena? Orain, ikasturte berria hasi berri dugula espero dezagun, umeren batek urte arraro honek eraginda inspirazio edo imajinazio apur bat galdu badu, bizitza normalago baten hasierak hauek guztiz berreskuratzea ekar dezala. Saia gaitezen hori bultzatzen!

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak