Gipuzkoako barnealdea bisitarientzako erakargarritasun ugari eskaintzen dituzte eskualdeez osatuta dago. Eta, naturaz, kulturaz eta gastronomiaz gozatzeko leku aproposa da. Badakit ez direla asko turismotik bizi diren Debagoieneko bizilagunak, eta, hala ere, erraztasunak eman behar dizkiegu beren negozioak garatzeko, haiek baitira gure lurraldeko enbaxadorerik onenak. Eta horrek mesede egiten die gure produktuei, gastronomikoei zein industrialei. Joera nabaria da, klimagatik, bizi-kalitateagatik, turismo-eskaintzagatik, gero eta turista eta bisitari gehiago etorriko dira Gipuzkoara.
Hori horrela izanik, ondo legoke:
- Mahai sektorialak antolatzea; Debagoieneko eragileen arteko lankidetza eta kolaborazioa sustatzeko eta herri handienak txikienekin solidarioak izateko.
- Uda garaian irekita egoteko aukera ikusten duten negozioei laguntzea horretarako aukera izan dezaten.
- Ostatu-zerbitzuak egoera ezin hobean mantentzeko hobariak eta dirulaguntzak sortzea.
- Abuztuan gure herrietako kultura agendak mantentzea, ez bakarrik bisitari eta turistengan pentsatuz, batez ere Deagoienan gelditzen diren herritarrak kontuan hartuz.
Herritarrok onartu beharko dugu turisten joan-etorri hori etengabe haziko dela, uhina goraka doa, eta orain gure esku dago modu kontzientean eta ordenatuan artikulatzea, Debagoienako herritarren eskubideak murriztu ez daitezen. Turistekin bai, baina gugan eta gure bizi-kalitatean pentsatuta.
