Kalean euskararen erabilera moteltzen ari da. Ikasi gehiago ikasten da, baina erabilera atzerantz doa. Laburbilduta, bi esparrutan jarriko dugu arreta: hezkuntza eremuan eta administrazioan orokorrean. Gauza bat da euskara ikastea eta beste bat erabiltzea eta kalean islatzea. Ikastetxean, euskararen erabilera bermatu behar da. Horretarako, ekintza osagarriak behar dira.
Kanpainak egin ikastetxeko langile guztien partaidetzarekin. Ikasleen artean euskaraz mintzatu ikastetxetik at ere islatu dadin. Solasalditan irakasleak ikasleekin parte hartuz jolas guztietan, aditz eta esaera zaharren lehiaketak eginaz; hitzaldiak, idazlanak, entrebistak, eta abar, eta abar. Ezinezkoa ez da, lorpen bikainak izan dira. Bigarren puntua, bi hitzetan, administrazioari dagokio; funtzionarioak euskaldunak izatea. Bada garaia. Oposizioak euskararen baldintzapean egitea. Administrazioaren atal guztietan, bereziki, jendaurrean lana egin behar dutenek, euskaraz!