Euskal presoen eskubideak ez ezik, Euskal Herriaren erabakitzeko eskubidea aldarrikatuko da. Biak uztarturik daude. Presoak, deportatuak, iheslariak, beraien eskubideak hankapean, zapaldurik, dauden bitartean, elkartasun oihartzuna berebiziko urratsa izango da, herri honek bere barruan duen askatasun hazia, behingoz, erne eta loratu dadin.
Hain zaila al da esatea eta ulertzea, euskaldunok Españagandik aparte bizi nahi dugula? Zalantzak daude? Ba, ireki bidea demokraziari eta galdetu herriari. Itsumustuan hor datoz: “Erabakia hartu bai, baina denoi dagokigu. Konstituzioak dio”. Kontxo! Lege antidemokratikoa ezarri eta, orain, 45 milioiko artaldeak, tartean katamixarrak, otsoak eta lapurrak, menpean duen artaldetxo bat irentsi nahi du. Erabakia hartzeko nortasun agiria soilik euskaldunok daukagu. Ulertu ezazue behingoz eta eman bueltaxka bat Ingalaterratik eta Eskoziatik, ea argitzen zareten. Presoak etxera herria askatzera, denok Bilbora
