Bi mila baino gehiago prest azaldu dira joateko. Ezinbesteko baldintza, euren hizkuntza ikasi behar. Lanbide desberdinetan (udaltzainak, ertzainak, erizainak...), oro ar funtzionarioak. Euskalduntze premia ikusten al da? Oposaketak direnean euskarak ez omen du ezertan inor baldintzatuko. Bapo! Ondorioz ospitaletan, anbulatorioetan, zer entzuten da?
Unibertsitateak zerikusi handia du euskalduntze alorrean. Tamalez, diskriminazio positiborik ez da egiten. Sendagileak falta direla bai baina hemengo neska mutilei inolako erraztasunik ez zaie ematen. Beste ofizioetan ere antzeko parezido. Non dago gakoa? Badira 500 urte Maquiavelok esan zuela: "boterea, politikoa zein bestelakoa eskuratzea funtsezkoa da gizartean taxuzko zerbait egin nahi bada eta, botere hori herritarren zerbitzuan, herritarren beharrei erantzuteko erabiltzen ez bada hobe eskuz aldatzea". Norbaitek uste al du euskara betiko topikoak erabiliz "dakitenek… bla bla.. behartzeke…blu blu" jardun horrekin salbatuko dela? Eta ez dezagun ahantzi, euskararik gabe ez dago euskal herririk.
Hemen botereak dituen eskumenak erabiltzeko arazo nagusia honetan datza: agintari askok kontzientziaren arrastorik ez dutela; kontrarioak eta etsaiak ere badaude; beste asko epelkerian eta geldotasunean murgilduta dabiltza. Finlandiak bai, guk zergatik ez?
