Adinekoen egoitzen eredua hobetzeaz

Erabiltzailearen aurpegia Aitor Orobengoa Ortubai 2020ko mai. 3a, 00:00

Koronabirusak eragindako heriotzen %67 adinekoen egoitzetan suertatu da. Euskadin 367 egoitza daude eta bertan 13.899 lagun bizi dira. Dakigunez, gure egoitzetako asko eta asko foru aldundiek eta euskal udalek joan den mendeko 80ko eta 90eko hamarkadetan sortutakoak dira. Horien diseinuak egoiliarrak taldeka hartzea arbatzatzat izan du, eta, ondorioz, talde-gune ugari dituzte: jangela, egongela, telebista gela, taberna, eta abar taldeak hartzera zuzenduta daude.

Tamalez, "taldekako egoitza eredu" horrek gabezia handiak erakutsi ditu koronabirusak eragindako osasun-krisialdian. Ahalik eta azkarren –urte amaiera baino lehen, alegia– ezinbestekoa da Adinekoen Egoitzen Eredu Berri bat garatzea egoera eta modu hoberenean oraindik gure artean izango dugun birusari aurre egiteko.

Erronka ez da makala. Izan ere, birusari egoki aurre egitea konplexua da, eta, aldi berean, egoitzen eraberritzeak atal askotariko lana eskatzen du. Dena den, ezin dugu hutsik egin, gure nagusien bizitza jokoan baitago!

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak