Ukraina gizarte zibilaren aurkako eraso itxuragabea jasaten ari da; Errusiak Herri burujabea inbaditu du; Gernikaren bonbardaketa gogorarazten digute; Eta ez dago eskubiderik Elgetako EH Bilduko zinegotzi batek aurpegiratu zidana entzuteko: "Ukrainak ez ditu Minskeko akordioak errespetatu". Nola justifika daiteke Errusiak Ukraina inbaditzea? Nola emakumeen bortxaketak, umeen hilketak, zuloetan milaka gorpu izenik gabe pilatuta lurperatzeak? Ez, zinegotzi jauna, Minskeko akordioak ez ditu inork bete, batez ere, Herria ezin delako behartu inbaditzaile baten nahietara. Ukrainarrek ez diete uko egin nahi Donbassko lurraldeei, Ukraina baitira. Ikuspuntu humanitario eta abertzaletik ezinezkoa zait justifikazio hau ulertzea.
1937an izan zen bonbardaketa Gernikan, eta mundu guztian ezaguna den zoritxarreko gertakari historiko hura joan den astean aipatu zuen Zelenskik, Ukrainako presidenteak, Espainiako Kongresuan, agerraldi telematikoan. Gernikako sarraskiaren argazkiak eta irudiak zuri-beltzean ditugu, Ukrainan Vladimir Putinek agindutako sarraskia koloretan, kaleetan kolore gorria gailenduz. Jendeak jasandako sufrimenduan ez dago diferentziarik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak