2022ko ots. 6a, 00:00
Mutil kozkorretan joan zinen zeruak eta lurrak bat egiten duten zure, gure, Arantzazura, sinestunen eta Jainko bakartzat natura dutenen parajera. Ze sentsazio izan zenituen 10 urterekin, nerabezaroan, 18 urteko gazte bezala, 40 urteko heldutasunean, 50 urtetako jakinduriaren ikuspegiarekin eta zahartzaroan, ezin jakin, baina, beharbada, zu elkarrizketatzeko gai polita litzatekeen hauxe. Zure osasun arazoek eta COVID-19ak zuztarretik ebaki duten elkarrizketa. Urte horietan guztietan Jaungoikoarekin askotan hitz egindakoa izango zinen eta Iturrinoren Markesaren alaba bertsoak esaten duena bete izana opa dizut: "Zeruak eta lurrak egin zituana, memoria argitzera, atoz neregana, esperantza badaukat zerorrek emana konplituko dedala desio dedana".
Baliteke adibide laiko samarra izatea fraideen munduan, baina Pello, zu ez zinen fraidea bakarrik, gu guztiona zinen. Zure desioetan, naturaz gozatzea, euskara lantzea eta euskalgintzan zure ekarpena uztea izan da. Tenporak zer ziren zuk erakutsi zenigun, artzainetatik eta baserritarretatik datozen gure ahozko kultura barneratu baitzenituen txikitatik. Jakindurian, baina baita xumetasunean ere adibide izan zara.
Agur, Pello, egun handira arte!
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.