Honen lekukorik argiena Madrilgo hauteskunde kanpainan ikusi dugu. Ayuso Madrilgo Erregina bihurtu da, txotxongilo emanaldi batean arituko balitz bezala. Panpina aurpegia, Betty Boopen begi inozoak, egiazkoa ez den irribarrea eta hitzetan populista. Hauxe da madrildarrek gose-egarriz zeruetara igo duten Erregina. Beste batzuek ere aipatu dituzte zeruak politika helburuetan, nahiz eta infernuetatik gertuago geratu.
Podemoseko sortzailea ere Ayusoren pare dago populismoari dagokionez. Aparra edo bitsa berehala jaisten da, ordea, eta hala tokatu zaio Iglesiasi.
Oraingoan Madril urdinez jantzi bada ere, Gipuzkoa sanferminetako zapiak baino gorriago dago COVID-19 positiboei dagokienez.
Madrilen 1.000 biztanleko hildako kopurua 3,4 eta Gipuzkoan 1,3. Hor konpon madrildarrak haien populismoarekin; gu gurera. Ez gaude txantxetarako, egoera larrian ez dago populismoarentzat tokirik.