Orain 40 urte

Erabiltzailearen aurpegia

Eusko Legebiltzarrerako lehen hauteskundeak. Kotxean, propaganda banatzen, bozgorailua hartu eta EAJko kanpaina-mezua eta leloa esatea tokatu zitzaidan lehenengo aldiz. Hori ilusioa! Bukaeran beti "gora Euskadi!" esaten nuen eta ondotik, nire aitak "... askatuta!", "gora Euskadi askatuta esaten da, Aintzane!". Oraindik ez genuen ETB, ez genuen kiroldegirik, Osakidetza oraindik sortzeko zegoen, ez genuen Ertzaintzarik... Guardia Zibila eta Polizia Nazionala zebiltzan gure kaleetan.

Gaur, ondo antolatutako Herria dugu, ez dago oraindik osorik, baina helburu hori lortzea luze badoa ere alderdi abertzale batek ez du sekula etsiko. Nik ez dut etsiko. Baina lan handia egin dugu Herria eraikitzen. Europako iparraldearen pare gaude osasungintzan, gizarte zerbitzuetan, hezkuntzan... ikastolak sare publikoan daude. Gogoan dut ikastola klandestinoan Espainiako "inspektorea" etortzen zela noizbehinka guri lezioa hartzera. "¿Cuáles son las provincias vascongadas? Alava, Guipúzcoa y Vizcaya... Y Navarra?".

"Navarra independiente". Nola aldatu diren gauzak! 40 urte geroago, bozkatzera maskaraz joan behar dugu, gure mundu modernoa birus txerri batek mehatxatu duelako.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.