Azken boladan, aldaketa klimatikoari eta ingurumenaren zaintzari buruz sekula baino gehiago hitz egiten den garai hauetan, itxuragabeak iruditzen zaizkit bideo horretan azaltzen diren irudiak; autobidearen zabalera osoan 30etik gora pneumatiko jarri eta su eman zieten, ikaragarrizko ke beltzezko zutabeak sortuz. 15 gazte hauen aldarrikapen komunikatuan honelako esaldiak aipatzen dira: "... kaleak berriro sutan ikusteko arrazoiak soberan ditugu"; "Herriak agindu eta gobernuak men egin behar du".
Nola bihurtu dira hauek herri ordezkari? Nork aukeratuta? Gehienok ez ditugu "ekintza militar" hauek ikusi nahi; are gutxiago, sortzen duten kutsadura bortitza, merkurioa, beruna eta karbono dioxidoa barra-barra.
