'Lau teilatu'

Erabiltzailearen aurpegia

Haurren minbiziaren aurkako ikerketan laguntzeko antolatu du aurten EITBk maratoia eta sekulako arrakasta izan du, ia milioi euroko ekarpenak lortuz. Maratoi hauen historian sekulako marka. Ez dakit beste edozein abestik lortuko ote zuen hainbeste bertsio jasotzea. Kontua da Juan Carlos Perezen abestia klasiko bihurtu dela Euskal Herrian eta egunerokotasunean ikusten ez ditugun desberdinen arteko baturak eta ilusioa sortzeko gai izan dela.

Lau teilatu gainian, ilargia erdian, eta zu goruntz beira... Amodiozko kantu eder honen protagonista Bergarako neska bat dela ba al zenekiten? Orain, maitasun inspirazio horrek balio izan du gaixotasun latz hori jasaten duten umeen aldeko solidaritatea hizki larriz idazteko.

Ez dut sekula ahaztuko nire seme Beñat jaio zen egunean, Beñat izeneko beste mutiko bat hil zela minbiziaz Bergaran eta bere amak esan zuela: "Nirea hil da, baina beste Beñat bat jaio da". Gogorra eta eskuzabala. Zorionez, ikerkuntzari esker, gaur egun %80tik gora umek gainditzen dute minbizia, eta ongietorria izan dadila musika ekimen hauen alde markak gainditu ditzagun.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete