Halere, bozka bakoitza norberarena da, ez besterena, eta norberak erabaki behar du zeri ematen dion garrantzia bozka ematerakoan. Nik argi daukat bozkatu dudana betetzea eskatzen dudala eta gehiengoa izan duen alderdiaren programa bete egin behar dela. Parking bat dela gehiengoak eskatu duena, merkatariek, kanpoaldeko auzokideek, hiritarrek beharrezkoa ikusten dutelako? Ba, parkinga egin egin behar da. Gutxiengo baten iritzia entzun beharra dago, beti, baina gehiengoak bozkatu duena bete egin behar da, zalantzarik gabe. Hau da demokraziaren printzipioa.
Hauteskundeetan gehiengoz bozkatutakoa inork zalantzan jartzen badu, zertarako balio dute hauteskundeek? Eztabaida atzeratzea eta erabakia hurrengo legealdirako uztea iruzurra da herritarrekiko. Akabo demokrazia!
