Gaiak ez du Halloween gauaren inguruko industria komertzial neurri gabeak sortu duen interesik sortu, baina jakin beharko genuke eguneroko bizitzan kalabaza buru eta zonbi ikusgaitz horiek baino askoz eragin handiagoa duela. Gizon nahiz emakumeok beharko genituzke baldintza hobeak lana eta familia, aisia eta abar uztartzeko, kontziliatzeko alegia, baina aste honetako kongresuan argi geratu den bezala, emakumeon kontziliazioan berdintasuna aldarrikatu behar dugu.
Kontziliazioa ez baita etxeko lanak eta lantegikoak nola uztartu emakumeok, baizik eta gizon-emakumeon berdintasunaren ikuspegitik nola eraman uztartze hori. Argi dago oraindik emakumeok karga handia dugula lantegitik irteterakoan etxeko lanei, familiari, gurasoei eta abarri aurre egiten, gizonezkoek baino askoz handiagoa. Kezkagarria da jakitea enpresa zuzendaritza munduan adibidez, emakumeon presentzia estankatuta dagoela. Kontziliazioak bi sexuen arteko ardura berdintasuna beharrezkoa du mundu juxtuagoa nahi badugu.
