Irudi baten indarra

Erabiltzailearen aurpegia

Askotan entzun dugu esaera irudi batek 1.000 hitzek baino gehiago balio duela. 

Ailan umetxo siriarra ur ertzean hilda ikusi behar izan du Europak gerratik ihesi datozen errefuxiatuen dramaz jabetzeko. 

Europako estatuek ez dute mailarik erakutsi, eta pertsona horien duintasuna hutsaren hurrengoaren pare jarri dute. 

Estatuak beraien artean zipoka dabiltza bakoitzak onartu beharreko kupoa zein izango den benetako premiei muzin eginez. Bitartean, furgoneta eta kamioikadak hildakoekin, itsasoak hilotzez gainezka, zer ez dugu entzun! Baina ikusten ez dugun bitartean…  

Umearen hilotzaren irudiak astindu gaitu, irudi batek astindu gaitu, milaka hildakoren eguneroko berri txarrak entzungo ez bagenitu bezala.

Zer pentsa ematen dit horrek. 

Gerrak, hilketak, pertsonen eskubide urraketak denboraren makinan gizaldi  batzuk atzera bota eta berriz ere Ailanen aurpegia irribarretsu ikusi nahiko nuke, baina orduan argazki hori ez litzateke notizia izango, ez luke 1.000 hitzek baino gehiago balioko. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.