Lehenengoan, bi anai-arreba denbora luzez ikusi ez duten aita bisitatzera doaz. Bigarrenean, bi ahizpa ama ikustera; eta hirugarrenean, bikiak diren bi anai-arreba
gurasoen etxera doaz, gauzak ordenan jartzeko eta hildako gurasoei buruzko oroimenak izateko.
Jarmusch zuzendariaren filmak minimalistak izaten dira. Itxuran ez dira gauza gehiegi gertatzen, baina garrantzi handia ematen dio aktoreen interpretazioei. Pertsonaiak nola begiratzen duten, gauzak esateko moduak, isiluneak, mugitzeko moduak… Horrek guztiak balio izaten du pertsonaiak nolakoak diren azaltzeko eta euren arteko harremanak nolakoak diren, eta iraganean nolakoak izan ziren ondorioztatzeko. Pertsonaien arteko topaketak ordu gutxikoak izan arren, topaketa
adierazgarriak dira. Batez ere, lehengo bi ataletan, pertsonaien artean sortutako
urruntasuna antzeman daiteke giroan, baita pertsonaiak sentitzen duten deserosotasuna. Pertsonaien beldurrak eta ziztrinkeria txikiak erakusten ditu. Eta umore pintzelkadak ere agertzen dira. Hirugarrena familiari buruzko begirada argitsuagoa da.