Ainarak erlijio ikastetxe baten egiten ditu bere ikasketak, eta lagun taldearekin erlijioarekin lotutako irteerak egiten dituen arren, bere familiak ez du espero gaztearen erabakia. Prozesuaren garapenak denbora behar du. Ainarak ematen dituen pausoak ikusiko ditugu. Familiarekin, lagunekin eta moja eta apaizekin dituen harremanak. Familian pentsatzeko modu desberdinak daude, eta tentsio puntu bat, ekonomiarekin lotutako gatazka batengatik.
Alaudak pertsonaia bakoitzari bere ikuspuntua azaltzeko aukera ematen dio. Familian batzuk kontra daude neskak hartutako bidearekin, beste batzuk ulerkorragoak eta erlijiosoagoak dira, eta zain eta lasai daude neskak hartzen duen erabakiarekin. Filmak hainbat galdera botatzen ditu, baina ez ditu erantzunak ematen. Ikusleak erabaki beharko du zein pertsonaiaren ikuspegiarekin geratzen den, edo gertatutakoaren zentzua zein den.
Zuzendariak, alde batetik, pertsonaiekiko distantzia eta errespetua mantentzen ditu;
eta, beste alde batetik, antzematen da haienganako sentitzen duen maitasuna eta ulermena.