Istorioaren hasieran, kasino bateko kabaretean lan egiten duten langileei esaten diete egiten duten showa amaitu egingo dela aste batzuk barru eta lanik gabe geratuko direla. Artista taldean belaunaldi askotariko emakumeak daude, eta pelikulan taldean sortutako lokarriak aditzera ematen badira ere, istorioaren protagonista nagusia Sally da, lan horretan 30 urte daramatzan 57 urteko emakumezkoa. Alaba bat izan zuen, baina, lanean, ikuskizun munduan, jarraitu ahal izateko, alabarengandik aldenduta bizi da. Sallyk erabakiak hartu behar izan ditu ikuskizunaren munduan lan
egiteko. Alaba ama bisitatzera joango da, eta une horretan iragana, oraina eta etorkizuna elkartzen dira. Sally emakume sineskorra eta ameslaria da,
baina burugogorra eta kementsua. Bizitzari buruzko pertzepzio berezia du. Pamela Andersonek lan ona egiten du Sally pertsonaiari sinesgarritasuna emateko.
Gia Coppolak asko mugitzen du kamera. Batzuetan irudiak desfokuratu egiten dira, eta asko hurbiltzen da aktoreen aurpegietara, pertsonaien sentimenduak jasotzeko helburuarekin.