Haren film gehienek politika eta gai sozialak jorratzen dituzte. Haren lanen artean Z, Estado de sitio eta Desaparecido aipa ditzakegu. Eta El último suspiro zainketa aringarriei buruzkoa da.
Zainketa aringarrietan espezializatutako mediku batek eta filosofo batek gaiaz hitz egingo dute. Medikuak hainbat kasu kontatuko dizkio, baita paziente batzuk aurkeztu
ere. Filmak erreportaje medikoen kutsu didaktikoa du. Aktoreekin egina eta fikziozko
lana izan arren, bi pertsona nagusiren artean sortzen diren harremanek erakusten duten
kasuei egitura zinematografikoa emateko balio dute. Kasu bakoitza desberdina da, baita
gaixotasunari eta bizitzako azkeneko uneei aurre egiteko ditugun moduak.
El último suspiro pelikulak balio didaktiko handia du. Sarri tratatu nahi ez dugun gaiaz
berba egitea eta, ahal den neurrian, normaltasuna ematea azpimarratzeko
modukoak dira. Filma arazorik gabe ikusten da, erraz. Batzuetan, dena den, badirudi atal edo kasu desberdinak lotu direla, guztiekin pelikula bat egin ahal izateko. Erakunde
mediko batek sortutako produktua dirudi.
