Detailez kontatzen zaigu nola heltzen zaion aitaren heriotzaren berria, heriotzak dituen erritoak eta zeremoniala. Ostean, bizitzarekin jarraitzea tokatuko zaio, eta anaiak Parisera eramango du denboraldi baterako. Gaztea da eta oraindik hazten dago.
Gauzek eragiten diote eta askotan eztanda egiten du. Batzuetan, zaurgarria
dirudi; eta beste batzuetan, harroputza. Mota askotako harremanak izango ditu: amarekin, anaiarekin, lagunekin, anaiaren pisukidearekin... Guztiak,
intentsitate handikoak.
Modu desberdinean jokatzen dugu heriotza baten aurrean. Eta zinemak ere oso modu desberdinean islatzen ditu pertsonaien portaerak eta sentimenduak. Kasu honetan, pertsonaiek ez dituzte sentimenduak gordetzen. Horiek eztanda egiten dute eta kanpora irteten dira modu bortitzean. Filmak erakusten digu, modu pertsonalean eta egokian, pertsonaiak bizi duen ekaitz-garaia.
