Nuevo orden ezkontza batekin hasten da. Istorioa Mexikon gertatzeak eta festako partaidea maila altuko jendea izateak Luis Buñuelen El ángel exterminador gogorarazten digu. Baina oso film desberdinak dira: Buñuelena, ironikoa, maltzurra eta surrealista; Francorenam gordinagoa eta apokaliptikoagoa. Momentu honetan jasaten ari garen egoera ez da bada batere pozgarria, Francok erakusten digun egoera soziala benetan eztandagarria da. Gizartean maila desberdinen arteko borroka begi aurrean jartzen digu eta borroka horren erdian armada azaltzen da, egoera are nazkagarriago bihurtzeko. Maila ekonomiko baxuko jendea aberatsen kontra altxatzen da, eta armada martxan jarriko da filmaren izenburuak adierazten duen bezala ordena berri bat inposatzeko –bere probetxurako noski–. Francok indarra erakusten du hirian sortzen den kaosa eta basakeria adierazteko.
Zuzendaria: Michel Franco
Aktoreak: Naian Gonzalez Norvind, Diego Boneta