Espero zen bezala, oso epe laburrean Oñatiko hondakinen bilketa selektiboaren datuek nabarmenki gora egin dute, %26tik %80ra.
Oso gogoan dugu PNVk buzoneatu zuen panfletoko argazki lotsagarria.
Eta gogoan ditugu behin eta berriz gizarteratu zituzten mezu alarmista eta katastrofikoak.
PNVk atez atekoa distortsionatu eta intoxikatu zuen.
Sistema zikina zela, egundoko multak jarriko zirela, usain jasanezinak, intimitatearen galera izugarria...
Okerrena da oso ondo zekitela lau haizetara zabaltzen ari ziren hark ez zuela inolako zerikusirik atez ateko sistemarekin.
Urtebete ondoren, atez atekoaren eguneroko jardun praktikoak begi bistan utzi du PNVren distortsioa eta intoxikazioa.
----------
Ander Lizarralde eta Iulen Romaratezabala
Oñati
