Izpia

Erabiltzailearen aurpegia

Lurraren errotazioak eta eguzkiaren lerrokatzeak eragindako fenomeno bitxi bat gertatzen da herensugearen herrian.

Historiaren zehar, kultura gehienak eguzkiaren boterearen testigu izan dira. Horren isla zibilizazio ezberdinek legatutzat lagatako mitologian aurkitzen dugu. Ugariak dira oso, hain miretsia izan den suzko gorputzari emandako izen eta formak: Eguzki-lorea (Euskal Herria), Helios (Grezia), Ra (Egipto), Shamash (Mesopotamia), Inti (Inkak)…

Izar honek gizakiarentzat izandako protagonismoa ez da harritzekoa, berak ahalbideratu baitu bizitzaren garapena lurrean. Gainontzeko kulturen antzera, arrasatearrok ere bageneukan eguzkiaren ahalmenen berri. Ziurrenik urteko egun berezienak direnetan, sorginen maisulana izango balitz moduan, eguzki izpiek parrokiako arkua azpitik gurutzatu eta herriko patroia den San Juan argitzen dute. Ekainaren 24an 20:00etan, minutu batzuez miretsi daiteke fenomeno hau.

Aurreko gauean, herriko gazteen dantzek motibatuta, eguzkiak bueltan ematen digun oparia ote?

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.