Dragoiaren aztarna

Erabiltzailearen aurpegia

Arrasateko kaleetan barrena saltoka ibili naizen egunetatik, beti pentsatu izan dut historia ugari ezkutatzen zituzten hormen artean murgiltzen nintzela. Baina txikitatik kondairen mundura eramaten ninduen leku berezi bat etortzen zait orain burura: Santa Barbara.

Ezaguna da arrasatear guztiontzat dragoiaren istorioa. Zein ume ez da liluratzen pentsatzean bere herrian behin ahotik sua botatzen zuen dragoi bat bizi izan zela?

Leku honek lagun arteko jolasaldi ederrak eskaini izan dizkit gaztaroan. Egun ere, bere gotorlekura noanean, sentimen berezi batek inguratzen nau. Irribarre inkontziente bat ateratzen zait. Dragoiaren boterea ote?

Ez dakit fenomeno hau azaltzen, baina ziur nago dragoi honek baduela arrasatearrongan garrantzi berezia. Umetan kondairen mundura eraman gintuen bidaian eta gaztetan herriko
parrandazaleekin gau ederrak pasatzeko aitzakia oparitu digu.
Udako solstizioan, suaren inguruan, bere presentziaz gozatzen dugu, hastear den gau magikoari harrera eginez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.